Oberiadur Pamphlet

Oberiadur Pamphlet (saozneg: Operation Pamphlet), lesanvet Charreadeg Pamphlet (saozneg: Convoy Pamphlet), a oa bet un oberiadur dezougen e-pad an Eil Brezel-bed. Padet e oa etre Genver ha C'hwevrer 1943. Ar pal a oa bet kas an 9vet divizion aostralian eus Egipt betek Aostralia. Ar charreadeg a oa savet gant pemp bag dezougen, a oa difennet diouzh ar Japaniz gant meur a vag brezel Kevredet etre ar Meurvor Indian hag arvorioù Aostralia. An divizion a oa aet kuit eus Egipt e fin miz Genver 1943 hag echuet e oa an oberiadur d'ar 4 a viz C'hwevrer. Ne voe darempred ebet etre bigi ar re Gevredet ha re Impalaeriezh Japan. An divizion a oa erruet betek porzhioù Aostralia e fin miz C'hwevrer hep bezañ bet koll ebet dre un obererezh enebour.